ജ്ഞാനസ്നാനം

മേഘങ്ങള്‍ക്ക് മുകളില്‍ പെയ്തതിനെ,

കടലില്‍ ഒഴുകി ചേര്‍ന്നതിനെ,

മഴ എന്ന് വിളിക്കാത്തതെന്ത്?

വിരലറ്റത്ത് പതിഞ്ഞ ചുംബനങ്ങളെ

നിന്റെ വിവാഹത്തലേന്നു,

അശ്ലീലമെന്നു വിളിക്കുന്നതെന്തിനു?

ശ്വാസം മുട്ടിച്ച ആശ്ലേഷങ്ങളെ

വിവാഹമോചന പിറ്റേന്ന്

വ്യഭിചാരമെന്നു വിളിക്കുന്നതെന്തിനു?

മേഘങ്ങള്‍ക്ക് മുകളില്‍ പെയ്തതിനെ,

കടലില്‍ ഒഴുകി ചേര്‍ന്നതിനെ,

മഴ എന്ന് വിളിക്കാത്തതെന്ത്?

ഒരു ജ്ഞാനസ്നാനവും നമ്മെ

ശുദ്ധീകരിക്കാതിരിക്കട്ടെ...

ഞാന്‍ വ്യഭിചാരിയും,

നീ ദുര്‍നടപ്പുകാരിയായും തുടരുക...