ഇരുണ്ട വരാന്തയുടെ
നിഴലില് ഒളിച്ചിരിപ്പുണ്ട്
തൊണ്ടയില് തങ്ങി കെട്ടുപോയ
വാക്കുകള്
മുദ്രാവാക്യങ്ങളുടെ
ഇടയിലുള്ള
നിശബ്ദതയില് ഒരു ഗസല്
പാടി നിര്ത്തിയിരുന്നു
തുറന്നിട്ട ജനാലയുടെ
അറ്റത്ത്
തിരിച്ചെടുക്കാന് മറന്നു
പോയ
ഒരു നോട്ടം
ഒളിച്ചിരിപ്പുണ്ട്
വാക മരത്തിന്റെ ചോട്ടിലെ
ഊഞ്ഞാലില് നഖക്ഷതങ്ങള്
ചോര പൊടിഞ്ഞു കിടപ്പുണ്ട്
വരാന്ത മായുന്നിടത്ത്
വെട്ടിത്തിരിഞ്ഞ മിന്നല്
പോലെ
ഒരുമ്മയുടെ നനവുണ്ട്
കണ്ണില്
നോക്കിയില്ലെങ്കിലും
കൈകോര്ത്തു
പിടിചില്ലെങ്കിലും
നിന്നെ ഇഷ്ടമായിരുന്നു
എനിക്ക്
_______________________
മരണത്തിന് തൊട്ടു മുന്പുള്ള
വെളിപ്പെടുത്തലോ,
കുമ്പസാരമോ ആയി
പുച്ച്ചിച്ചു തള്ളാന്
അപേക്ഷ...