മൂന്നാം ദിനം തുറക്കപ്പെട്ട കല്ലറയില്‍ നിന്നും...

എന്റെ ശവകല്ലറയില്‍ കണ്ണീര്‍ പൊഴിക്കാതിരിക്കുക

നിങ്ങളടക്കിയശവമഞ്ചത്തില്‍ ഞാനില്ല,

ഇവിടെ ഞാനുറങ്ങുന്നുമില്ല…

ഞാന്‍,

 ആര്ത്തലക്കുന്ന കൊടുങ്കാറ്റിന്റെ ആയിരം കൈകള്‍

ഹിമാപാതത്തിലാണ്ട് ജ്വലിക്കുന്ന വജ്രം

വിളഞ്ഞനെല്ലിന്‍ മുകുരത്തിലെ സൂര്യമുഖം

ശിശിരത്തില്‍ പെയ്തിറങ്ങുന്ന നനുത്തമഴ

നിശബ്ദമായപുലരിയില്‍ ഉറക്കമെണിക്കുമ്പോള്‍-

നിന്നിലേക്ക്‌ വട്ടമിട്ടാഴ്ന്നിറങ്ങുന്നപറവക്കൂട്ടം

ഇരുട്ടില്‍ തെളിഞ്ഞുകത്തുന്ന താരകം.

എന്റെശവകല്ലറയില്‍ കണ്ണീര്‍ പൊഴിക്കാതിരിക്കുക

നിങ്ങളടക്കിയ ശവമഞ്ചത്തില്‍ ഞാനില്ല,

ഞാന്‍ മരിച്ചിട്ട് പോലുമില്ല...  

മേരി എലിസബത്ത് ഫ്രൈ എഴുതിയ Do not stand at my grave and weep എന്ന കവിതയുടെ സ്വതന്ത്ര വിവര്‍ത്തനം.