സ്നേഹാക്ഷരം കുറിച്ച
മനസ് തന്നതിന്
വാത്സല്യത്തിന്റെ തണലും
കാല്പനികതയുടെ തെളിനീരും
നല്കി സാന്ത്വനിപ്പിച്ചതിനു,
ശരീരത്തിന്റെ ഉഷ്ണമാപിനികളെ
വര്ഷകാല മേഘത്തിന്റെ കനവോടെ
തണുപ്പിച്ചതിനു,
വെറുക്കാതിരുന്നതിനു,
ശപിക്കാതിരുന്നതിനു
നന്ദി....
വിടവുകളില് നിന്നോഴുകിയ രക്തം
പുഴയായ് മാറുന്നതിന് മുന്പ്,
ഒരുമിച്ചു കുടിച്ച തെളിനീരില്
വിഷം കലരുന്നതിന് മുന്പ്,
പ്രണയാര്ദ്ര മിഴികളില് വെറുപ്പിന്റെ
വെടിപ്പുക ഉയരുന്നതിന് മുന്പ്,
കാഴ്ചകളെല്ലാം മറയുന്നതിന് മുന്പ്
ഞാന് പോകുന്നു...
യാത്ര മൊഴിയുടെ ഔദാര്യം
എന്നില് നിന്നുമെടുത്തു മാറ്റിയാലും....
കവിത ഇഷ്ടമായ്
ReplyDeleteഭാവുകങ്ങള്